Түлкібас ауданы №47 сайлау округінен сайланған облыстық мәслихаттың депутаты Тәшімов Лесбектің атқарған жұмыстары туралы мәлімет

 

Түркістан облыстық мәслихатының депутаты Л.Тәшімов өз сайлаушыларымен тұрақты да жүйелі түрде кездесіп, олардың  талап-тілектерін, арыз-шағымдарын тыңдап, көтерілген мәселелердің тез, оң шешімін табуына ықпал жасауда.

Кездесуде көтерілген тұрмыстық, әлеуметтік мәселелерге мұқият қарап, қолынан келген көмегін аямауға тырысады.

Туған өлкесін дамыту жолында табанды қызмет етіп, елге рухани демеу, материалдық көмек көрсетуге үнемі даяр. Өз қаражаты есебінен Абылай ханның ескерткішін тұрғызды.

Өзі сайланған Түлкібас ауданының әлеуметтік-экономикалық мәселелерін шешуге белсене атсалысып, шешімін табу үшін тиісті мекемелерге депутаттық сауал жолдап, орындалуын өз бақылауына алып отырады.

Мысалы, Түлкібас ауданындағы Пушкин атындағы және Шевцов атындағы жалпы орта мектептерге қосымша 6 сынып бөлмесі мен спортзал, шеберхана, асхана және мәжіліс залының құрылыстарын жүргізуге қаржы қарастыру туралы мәселесі, келесі жылдың облыстық бюджетін қалыптастыру барысында ұсынылатынын, инвестициялық жобалар тізіміне енгізілген.

Сонымен қатар, осы аудандағы Агробизнес колледжінің базасынан жалға берілген ғимараттан 24 сынып комплектілі, 540 оқушыға арналған жалпы орта мектеп ашуға және штаттық бірліктерді ұстауға, мектеп шығындарын жабуға, материалдық техникалық базасын нығайтуға қаржы бөлу туралы ұсынысы өз шешімін тауып, облыстық бюджеттен 60000,0 мың теңге бөлінген. Сондай-ақ, Түлкібас поселкесіндегі жекешелендірілген мәдениет үйін қайтарып, ел игілігіне қолдануға қаржы бөлу туралы ұсыныс бойынша жұмыстар жүргізілуде.

Өзі сайланған ауданның әлеуметтік-экономикалық жағдайын көтеру мақсатында, мектептер құрылысына қаржы бөлу, аулаларды абаттандыру, жолдарды жөндеу, көшелерді асфальттау, электр жарығымен, ауыз сумен, газбен қамтамасыз ету және тағы да басқа мәселелер бойынша тиісті мекемелерге депутаттық сауалдар жолдап, олардың орындалу барысын өз бақылауында ұстап, мүмкіндігінше оң шешілуіне өз ықпалын тигізуде.

Депутат ретінде қоғамдық қабылдауды тұрақты түрде өткізіп, тұрғындардың арыз-шағымдарының уақытылы шешілуіне баса назар аударып, олардың орындалуын бақылауға алып отырады.