Түркістан облыстық мәслихатының депутаты Дулат Назарбекұлы Әбіштің 2018 жылы халықпен өткізген кездесулері туралы

ақпарат

2018 жылдың қаңтар айының 4-і күні Түркістан облыстық мәслихатының депутаты Дулат Әбіш ШЫмкент қаласы Абай ауданына қарасты Жаңаталап елдімекеннің тұрғындарымен кездесті. Кездесуге ҚР Парламенті Мәжілісінің депутаты Уалихан Қайназаров та қатысты. Аймақтың халқы депутаттарға толғандырған мәселе мен өтініш тілектерін жеткізуге мүмкіндік алды. Сондай-ақ, басқосуда Елбасы жүктеген міндеттер мен жақында қабылданған жаңа заң жобалары халыққа кеңінен түсіндірілді.

Аумағына 12 тұрғын үй алабы мен 21 шағынаудан кіретін Абай ауданында соңғы жылдары атқарылған жұмыстар жетерлік. Дегенмен,  көпшіліктің көкейінде жүрген сауалдар да жоқ емес. Төлеген Тәжібаев атындағы  №81 жалпы орта мектепте өткен кездесуде , тұрғындар депутатар мен әкімдік басшылығына талап тілектерін жеткізді.

Қаңтардың 16-ы күні Қазақстан Республикасының Президенті Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын насихаттау мақсатында Қазақстан Инженерлі-Педагогикалық Халықтар Достығы университетінде Дулат Әбіш, Рабиға Қуатбекова және Саттар Қуашбай оқу орнының оқытушы-профессор құрамымымен кездесті.жастармен кездесті.

Елбасы Жолдауында: «Әлемде кезекті, Төртінші өнеркәсіптік революция басталды. Экономиканы жаппай цифрландыру тұтас саланың жойылуына және мүлде жаңа саланың пайда болуына алып келеді. Біздің көз алдымызда болып жатқан ұлы өзгерістер — әрі тарихи сын-қатер, әрі Ұлтқа берілген мүмкіндік», — деген болатын. Ал мұндай мүмкіндіктің тетігі «Жаңғыру.3.0» бағытымен байланысты. Бұл үшін Елбасы елдің жаһандық бәсекеге қабілеттілігін қамтамасыз ететін экономикалық өсімнің жаңа моделін құруды тапсырды. Әлемдік «Индустрия.4.0» Автоматтандыру, кибер-физикалық даму арқасында біршама озық елдер «Төртінші индустриялық революцияны» бастап отыр, — деді Дулат Әбіш кездесу барысында.

Түркістан облыстық мәслихаттың депутаты Дулат Әбіш қаңтардың 23-і күні «Өрлеу» біліктілікті арттыру ұлттық орталығының ұжымына Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын кеңінен насихаттады. Халық қалаулысы өз сөзінде жаңа Жолдаудағы 10 басым бағыт еліміздің жаңа мүмкіндіктерге жетелейтіндігін айтып өтті.

«Жолдаудағы барлық бағыттарды жүзеге асыру біздің еншімізде. Соның ішінде Жолдаудың жетінші бағытында көрсетілгендей, адами капитал — жаңғыру негізін айқындайды. Барлық жастағы азаматтарды қамтитын білім беру ісінде өзіміздің озық жүйемізді құруды жеделдету қажет екендігін Елбасы ерекше атап өтті. Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс. 2019 жылдың 1 қыркүйегіне қарай мектепке дейінгі білім беру ісінде балалардың ерте дамуы үшін өз бетінше оқу машығы мен әлеуметтік дағдысын дамытатын бағдарламалардың бірыңғай стандарттарын енгізу қажет. Орта білім беру саласында жаңартылған мазмұнға көшу басталды, ол 2021 жылы аяқталатын болады. Бұл — мүлде жаңа бағдарламалар, оқулықтар, стандарттар және кадрлар. Педагогтарды оқыту және олардың біліктілігін арттыру жолдарын қайта қарау керек болады. Еліміздің университеттеріндегі педагогикалық кафедралар мен факультеттерді дамыту қажет екендігіне басымдық берілген. ондықтан Жолдауда айтылған тек жетнші міндетті емес, барлық басымдықтарға жарқын көзқарас білдіруіміз қажет», — деді халық қалаулысы.

Жиын барысында, Облыстық мәслихаттың депутаты Дулат Назарбекұлы ұжымда ұзақ жылдардан бері қызмет атқарып келе жатқан, аға оқытушы Қансейітова Жұмакүл Жұмабекқызына мәслихаттың Грамотасын табыс етті.

Өз кезегінде ҚР парламенті мәжілісінің депутаты Уалихан Қайназаров елімізде қабылданған жаңа заң жобаларын халыққа кеңінен түсіндірді. Оның айтуынша Парламент тарапынан 44-жаңа заң жобасы ұсынылса , Елбасы оның 27-сіне қол қойып , мақұлдаған.

Облыстық мәслихаттың депутаты Дулат Әбіш,  Елбасының «Болашаққа бағдар: рухани жаңғыру» бағдарламалық мақаласына сәйкес әлеуметтік салада атқарылған жұмыстардың легін  баяндады. Тұрғындардың бұған дейін де көтерген  өзекті мәселелері назардан тыс қалмақ емес. Халық қалаулысы аймақ жұртшылығының бірқатар сауалдарына да жауап берді.

Сәуірдің 11-ші жұлдызында 2018 жылы Түркістан облыстық мәслихатының депутаты Дулат Әбіш республикамыздың солтүстік өңірлеріне қоныс аудардырушыларды шығарып салу рәсіміне қатысты. Елбасының «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауының үшінші кешенді міндеті – еңбек нарығын жаңғыртуда басы артық жұмыс күші бар өңірлерден басқа жерлерге жұмыс күшін ұтымдылықпен тартуға қолдау көрсету жөнінде атап көрсетті. Міне, осы мінтеттемелерді жүзеге асыру аясында облысымыздан еліміздің солтүстігінде орналасқан қалаларға жұмыс күші тартылды.

Ал арада алты ай өткен соң Дулат Әбіш «Айғақ» телеарнасының түсірілім тобымен бірге Павлодар, Қостанай, Солтүстік Қазақстан және Шығыс Қазақстан облысына қоныс аударған жерлестерміздің жағдайымен етене танысу мақсатында қазан айында барып, түсірілім жасап Шымкент қаласы және Түркістан облысы тұрғындарының назарына ұсынды. Және бұл игі іс өз жалағсын табатын болады.

2018 жыл — Қазақстандағы Өзбекстан жылы деп жарияланды. Бұл туралы Елбасы Нұрсұлтан Назарбаев өз сөзінде: «Біздің тығыз мәдени-гуманитарлық байланыстарымыз достық қарым-қатынастарымыздың маңызды факторы болып саналады. Біз 2018 жылы Қазақстанда Өзбекстан жылын өткізуге келістік. Өзбекстанда Қазақстан жылын өткізу де күн тәртібінде тұр. Осы бастамалар аясында өткізілетін түрлі іс-шаралар бауырлас халықтарымыздың жақындастығын одан әрі тереңдетуге септігін тигізеді», – деген еді.Өзбекстан мен Қазақстан президенттерінің кездесуінде осындай шешім қабылданған. Өзбекстан президенті Шавкат Мирзиеев пен Қазақстан Президенті Нұрсұлтан Назарбаев сондай-ақ екі ел арасында мәдени-гуманитарлық байланыстарды дамытудың маңызды екенін айтты. Екі ел арасындағы тарихи-мәдени баланыстарды елге насихаьттау мақсатында Түркістан облыстық мәслихатының депутаты Дулат Әбіш Өзбекстан Республикасына барып екі ел достастығын насихаттап, қандастарымызбен кездесіп, Елбасы Жолдауы мен «Болашаққа бағдар: Рухани жаңғыру» бағдарламалық мақаласын кеңінен түсіндірді.

Ағымдағы жылдың мамыр айының соңында Облыстық мәслихаттың депутаты, Қазақстанның Құрметті журналисі, Оңтүстік Қазақстан облысының Құрметті азаматы Дулат Әбіш бастаған қоғамдық делегация Кырым Республикасына жетті. Мақсаты Түлкібас ауданында дүниеге келіп, Керчь қаласына қарасты Эльтиген селосында қаза тапқан Ұлы Отан соғысының жауынгері Нұрмахан Тұрсынбековтың жатқан жеріне барып, белгі тас орнату. Осы сапар аясында «Ұлы балалар ізімен…» жобасы бойынша жат жұртта қалған тарихи тұлғалар  насихатталды.

Шілденің екісі күні халық қалаулылары  қоғамдық қабылдауға келген азаматтардың талап-тілектерін, мұң-мүқтажын тыңдап, тиісті мекеме басшыларына депутатттық сауал жолдайды. Бір сөзбен айтқанда, халық пен биліктің арасындағы алтын көпірді нығайтуға үлестері зор. Осы үрдістің кезекті отырысында жергілікті тұрғындардың әлеуметтік-экономикалық  талап-тіліктерін дер кезінде және әділ шешу үшін «Нұр Отан» партиясы облыстық филиалының Қоғамдық қабылдау бөлмесінде Түркістан облыстық мәслихатының депутаты Дулат Әбіш жеке қабылдауын өткізді.

Халық қалаулысының қабылдауына алты азамат жазылған. Тыңдалған өтініштерді бақылауға алып, оңтайлы шешілуіне ықпал жасаймын деген, Дулат Назарбекұлы барлық өтініш-тілектерге ҚР заңдылықтарына сәйкес жауап берді. Тіпті, кейбір азаматтардың арқалай келген мәселесін, халық қалаулысы, қабылдау аяқталмай ақ, тиісті аудан басшыларына шұғыл  хабарласа отырып, тап сол орында  шешіп берді.

Жалпы, айта кетерлігі өңір азаматтарының өтініштері мен арыздары жергілікті мәслихат депуттарының назарынан тыс қалмақ емес.

Алтыншы шілде күні — Астананың 20 жылдық мерекесіне орай Түркістан облыстық мәслихатының депутаты Дулат Әбіштің ұйымдастыруымен Түркістан облысының бір топ делегациясы мен «Айғақ» телеарнасы Елбасының туған ауылы мен нағашы ауылында болып қайтты.

Мемлекет басшысының «Болашаққа бағдар: рухани жаңғыру» мақаласы аясында ұйымдастырылған игі бастама бұл. Шараның мақсаты Тәуелсіздік алған жылдары туылған яғни, 1991 жылғы азаматтар мен азаматшаларды және Нұрсұлтан есімді мемлекеттік қызметкерлерді Елбасы анасының ауылымен таныстырып, Нұрсұлтан Әбішұлының дара жолын жастарға насихаттау. Іс-шара барысында Түркістан облысының жас мемлекеттік қызметшілері — Қарасай аудандық тарихи-өлкетану мұражайына да барды.

Қазан айында Түркістан облыстық мәслихаттың депутаты Дулат Әбіш Өмірхан Байқоңыров атындағы Жезқазған университетінде «Серпін» бағдарламасымен білім алып жүрген түркістандық жастарымен кездесті. Халық қалаулысы, Түркістан облыстық Қоғамдық Кеңестің мүшесі, «Айғақ» телеарнасының басшысы  Дулатбек Әбіш жерлестеріміздің сабақ үлгерімі және студенттік өмірімен танысып, болашақ жоспарларымен пікір алмасты.

Университетте Сарыағаш ауданынан Жұмағали Сарықұл, Ақмарал Ортай, Созақ ауданынан Ақсұңқар Арын, Данияр Жүрсінбай, Арыс қаласынан Тоғжан Жақыпова, Қарахан Тәукехан, Шардарадан Орынша Хаштаева, Мәди Бесбай, Жетісай ауданынан Мәди Қуаш, Қазығұрт ауданынан Ержан Құрбанбай т.б. студенттер білім алуда. «Рухани Жаңыру» орталығының  жетекшісі Арман Кенжебеков осы студенттермен үнемі  кездесіп тұратыны байқалады. Жалпы, бұл кездесудегі басты мақсат Түркістандық жастардың басын қосып, бірлікте болуға шақыру еді. Болашаққа нық қадам басуға қол ұшын созу еді.

«1 желтоқсан — Тұңғыш Президент күніне» орай Дулат Әбіш бастаған топ Оңтүстік Қазақстан медициналық академиясы мен Қазақстан Инженерлі-Педагогикалық Халықтар Достығы университеті студенттерімен жүздесіп сырласу сәтін өткізді. Жүздесуге Елбасының курстасы, КСРО Мемлекеттік сыйлығының лауреаты, Қазақстанның «Құрметті металлургі», Шымкент қаласы мен Оңтүстік Қазақстан облысының «Құрметті азаматы» Аманәлі Әбдіраманов қатысты. Сондай-ақ, Түлкібас ауданының, Оңтүстік Қазақстан облысының «Құрметті азаматы», Қазақстан Республикасы Білім беру ісінің үздігі Марат Қыстаубаев және Әсетулла Каримовта бар. Олар Нұрсұлтан Әбішұлымен бірге Украина мемлекетінің Днепродзержинск қаласында №8 техникалық  училищесінде  білім алған. Сонымен қатар, Мерейлі мереке қарсаңында ұйымдастырылған жобаның мақсаты елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын ақсақтатып жүрген Елбасының кісілік келбетін жастарға үлгі ету. Елін сүйген, елі сүйген Елбасының өмірдеректерінен ақ парақтарын ақтарып, сырлы да нұрлы жолын жас ұрпақтың жүрегіне жеткізу.Жастарға рухани азық сыйлайтын патриоттық сезімдерін оятып, рухы биік жас ұрпақты қалыптастыруда Елбасының курстастары Нұрсұлтан Әбішұлының сан қырлы талант иесі, құдіретті тұлға екенін айтып өтті.Училище қабырғасында бірге өткізген қызықты да әсерлі студенттік шақтарымен бөлісті. Бір шатырдың астында бірге болған курстастардың бар ынта-жігерлерімен қалай білім алғандығы туралы баяндап берді. Сырға толы сырласуда өздерінің өмірлік тәжірибелерімен бөліскен ағалар қауымы бүгінгі жиналған жастарды терең білім алып, патриот болуға шақырды.Елбасының сәнді де мәнді ғұмырынан сыр шертілген бұл жүздесуде Мемлекет басшысының 21 қараша күні жарияланған «Ұлы даланың жеті қыры» атты мақаласында ұмыт қалдырмады. Ұлт көшбасшысының елді дамытудағы саясаты мен қазақ тарихын жаңғыртудағы игі бастамалары осы шарада баяндалды. Кешегі жарияланған Елбасы мақаласындағы маңызды міндеттер мен тың жобаларды іске асыру жолында қандай жұмыстар атқару керек екендігі сөз болды. Өз кезегінде жастарда Елбасының «Ұлы даланың жеті қыры» атты мақаласындағы ерекше ұнаған тұстарын аса құштарлықпен жеткізді. Жастардың жүрегіне жол тартқан бұл жоба алдағы уақытта Елбасы Нұрсұлтан Назарбаевтың «Ұлы даланың жеті қыры» атты мақаласындағы міндеттерді жүзеге асыруға сіз болып, біз болып атсалысуға шақырды.

001

031

01

4-01-17-ssh

img-20180116-wa0008

img_4088

6

dsc_0004

dsc_0006



Халықпен жұмыс

Есеп беру кезінде сайлаушылармен 11 кездесу өткізілді. Кездесу барысында сайлауалды бағдарламасының орындалу барысы, «Кедергісіз болашақ», « Мықты бизнес-қуатты мемлекет», «Ардагерлерді ардақтайық», «Бақытты отбасы», «Бақытты балалық», «Сәтті қадам», «Біздің ауыл», «Сыбайлас жемқорлық жоқ ел – өркендеуші ел», «Айқын тариф», «Stop қылмыс» атты партиялық жобалардың іске асырылуы бойынша мәселелер талқыланып, сайлаушыларға түсіндіру жұмыстары жүргізілді.

«Нұр Отан» партиясының кестесіне сәйкес 7 рет азаматтарды қабылдау шарасы өткізілді. Жеке қабылдау барысында тұрғындардың басым көпшілігі коммуналдық және әлеуметтік мәселелерді көтерді. Атап айтқанда, Ынтымақ-2, Көкбұлақ, Қызылжар, Солтүстік саяжай, Жаңаталап шағын ауданының халқын жол, сапалы ауыз су, электр жүйелері және табиғи газ мәселелері, Самал-3, Солтүстік саяжай тұрғын алабында  – электр энергиясы, Қызылжар, Көкбұлақ ауылдарын ауыз су мәселелерін және Қызылжар шағын ауданындағы 900 орындық мектеп салу мәселесі көтерілген. Бұл мәселелер бойынша құзырлы органдарға тиісті ұсыныстар берілді.

 

Депутаттық қызмет

2017 жылдың 9 айында төмендегідей депутаттық ұсыныстар жолданды:

  1. Шымкент қаласы, Абай ауданы «Көкбұлақ» елдімекенінің тұрғындары Қ.Акимкулов пен т.б. Барлығы 6 адам ұжымдық өтініші негізінде Жаңаталап тұрғын алабындағы 17-шақырым мәселесімен «Көкбұлақ» елдімекенінде Оспан Кәде көшесі мәселелері бойынша Шымкент қаласының әкімі Ғ.Әбдірахымовқа;
  2. Шымкент қаласы, Абай ауданы, Жаңаталап аумағына қарасты Қызыл жар тұрғын алабының тұрғындарының ұжымдық арызында (А.Амиртаев, А.Қаныбеков, барлығы 31 тұрғындар) «Қызылжар» ауылында сапалы ауыз судың жоқтығы мәселесі негізінде Шымкент қаласы әкімінің орынбасары Б.Жанбосыновқа;
  3. Шымкент қаласы, Абай ауданы, Ынтымақ мөлтек ауданы тұрғындарының ұжымдық арызында (Б.Есенбаев, Супибеков, А.Муратов және барлығы 137 тұрғындар) Ынтымақ мөлтекауданында сапалы ауыз су, асфальт жол жүргізіп беруін және мектеп пен бала-бақшаға арналған жерлерді біреулер жалға алып, жылыжай салып, ол жерден шыққан күл-қоқысты айналаға тастап ластап жатқандығын жылыжай иелеріне шара көруін сұраған арыз негізінде Шымкент қаласы әкімінің орынбасары Б.Жанбосыновқа;
  4. Шымкент қаласы, Абай ауданы, Игілік елдімкенінің тұрғыны И.Сүлейменовтың маған жолдаған өтінішінде төмендегідей мәселелер көрсетілген. Атап айтқанда:

— «Игілік» елдімекеніне 2011 жылы тартылған су құбырларынан сапасыз су ағуы және сапасын жақсарту үшін тиісті шаралар қолданылуы;

— Елдімекен қала аумағына енгізілуіне байланысты медицина мекемелері алшақ қалып, тұрғындарға қиындықтар туғызуда. Бүгінде халықтың көбеюіне байланысты аталмыш ауылда аурухана да, дәрігерлік-фельдшерлік тірек құрылысын салу;

— Жергілікті тұрғындардың, жасөспірімдердің спортпен айналысуына спорт алаңшалары қолжетімділігінгін арттыру үшін нысандар салу;

— Игілік елдмекені қалаға қосылса да бағытты көлік мәселесі бүгінгі күнге дейін өз шешімін таппай келеді. Сол себепті қалаішілік қосымша бағыттардың ашу;

— Елдімекендегі №82 Қ.Қасымұлы атындағы жалпы орта мектебіне оқушылардың баратын талапқа сай аяқ жолдарды салу және ауыл арасындағы көшелерді асфальттау арызы негізінде ОҚО әкімі аппаратының басшысына;

  1. Шымкент қаласы Абай ауданы, Көкбұлақ тұрғын алабының тұрғыны, «Көкбұлақ» өндірістік кооперативі төрағасы Қ.Сманның жолдаған өтінішінде «2016 жылы елдімекендегі Ағыбет ата және Жангелді батыр көшелерін (қазіргі заманның талабына сай жаяу жүргіншілерге арналған жолдары бар етіп (тротуар) күрделі жөндеуден өткізіп, асфальт жолдарын салуға көмек сұрап жазған хаты негізінде Шымкент қаласы әкімінің орынбасары Г.Құрманбековаға;
  2. Шымкент қаласы, Абай ауданы, Жаңа Тұрлан шағын ауданының тұрғындары, Жаңа Тұрлан ш/а әйел-қыздар қоғамының төрайымы Х.Буранкулова мен Х.Қаратаева өздерінің өтінішінде Жаңа Тұрлан шағын ауданында көгілдір отын мен таза ауыз су жүргізу ұсынысы бойынша Шымкент қаласы әкімінің орынбасары Б.Жанбосыновқа;
  3. Шымкент қаласы, Абай ауданы, Жаңаталап ауылдық округіне қарасты Көкбұлақ және Тәуелсіздікке 20 жыл тұрғын алабының тұрғындары, ауыл төрағасы С.Қырықбай мен М.Жиенбеков және тағы басқа ауыл азаматтары өздерінің өтінішінде Жаңаталап ауылдық округіне қарасты Көкбұлақ және Тәуелсіздікке 20 жыл тұрғын алабына газ беру ұсынысы негізінде Шымкент қаласы әкімінің орынбасары Б.Жанбосыновқа;
  4. Шымкент қаласы, Абай ауданы, Қызылжар шағын ауданының тұрғындары, ауыл биі Б.Байжанов пен Ж.Елтаев өздерінің өтінішінде Қызылжар шағын ауданында мектеп салуды ұсыныс көтерген болатын. Осы арыз негізінде Шымкент қаласы әкімінің орынбасары Г.Құрманбековаға;
  5. Шымкент қаласы, Абай ауданы, Қызылжар шағын ауданының тұрғындары, ауыл биі Б.Байжанов пен Ж.Елтаев өздерінің өтінішінде Қызылжар шағын ауданында Құртаев көшесінің бойына аяқ жол салу жөнінде көтерген ұсыныс бойынша Шымкент қаласы әкімінің орынбасары Г.Құрманбековаға;
  6. Шымкент қаласы, Абай ауданы, Тұрлан шағын ауданында ақпан айының 3-і күні халықпен кездесу барысында, Абай ауданы Тұрлан шағын ауданына қатынайтын қоғамдық көліктер мен жеңіл автокөліктердің Шмидта көшесінен Түркістан тас жолы көшесіне шығатын кері айналма жолдың ұзақ болуына байланысты, аталған көшелердің қиылысынан жол ашу мен бағдаршам орнатуға ұсыныс айтқан болатын. Осы хат негізінде ОҚО Жолаушылар көлігі және автомобиль басқармасының басшысы Н.Байғұтқа;
  7. Шымкент қаласы әкімдігінің 2016 жылғы 3 қазандағы «Мемлекеттік мұқтажы үшін алып қоюға  байланысты жер учаскесін немесе өзге де жылжымайтын мүлікті мәжбүрлеп иеліктен  шығарудың басталуы туралы» №2002 қаулысы негізінде Шымкент қаласы әкімінің орынбасары Н.Кушеровке ұсыныс хаттар жолданды.

Бұдан бөлек, халықтың мәселесін шешуде мінберлерде сөз сөйлеп, билік пен халық арасын жалғаушы алтын көпір қызметін мінсіз атқарып келеді. Мәселен, Дулат Назарбекұлы ОҚО Қоғамдық Кеңесінің, ОҚО Прокуратурасы жанындағы үйлестіру кеңесінің, ОҚО Кәсіпкерлер палатасының құқықтарын қорғау және сыбайлас жемқорлыққа қарсы іс-қимыл жөніндегі кеңестің мүшесі болып табылады.

2016 жылы мамыр айында РФ Калуга облысында Ұлы Отан соғысы жылдары із-түссіз кеткен жерлесіміз Мақаш Тәжібаевтың сүйегін туған жерге алып келіп, «Даңқ» мемориалында қаралы митинг өткізіп арулап жерлеуіне атсалысты. Яғни, осы игі шара негізінде кейінгі ұрпақтың бойына патриоттық сезімін ұялатып, отансүйгіштік қасиетін арттыруға сеп болды.

Өткен жылдың шілде айында Моңғолияның Баян-Өлгей аймағын топан су басып 700-ге жуық адам зардап шеккен болатын. Осы ретте, атажұртта қалған қандастарымызға Түркістан облысы алғашқылардың бірі болып гуманитарлық көмек көрсетті. Сол кезде Түркістаннан аттанған делегацияны шетелге мәслихат депутаты Дулат Әбіш бастап барды. Онда қандастармызға моральдық және материалдық қолдау көрсетілді.

Өткен жылы Тәжікстан мен Қазақстан Республикаларының тәуелсіздік алғанына 25 жыл толды. Қос елдің ширек ғасырлық егемендік тойы аясында Тәжікстан астанасы Душанбе қаласына ресми іс-сапармен барған Түркістандық делегацияның құрамында болған мәслихат депутаты Д.Әбіш бірлігі жарасқан екі елдің мызғымас достығының куәсі болып қайтты.

Елбасының «Болашаққа бағдар: Рухани жаңғыру» атты бағдарламалық мақаласын кеңінен насихаттау мақсатында «Айғақ»  телеарнасының түсірілім тобы үстіміздегі жылдың шілде айында Грузия мемлекетіне сапар жасады. Екі елдің достастық үлгісін насихаттауға бағытталған фильм Оңтүстік жұртшылығы тарапынан жоғары бағаға ие болды.

Сондай-ақ, «Ұлы дала керуені», «Қасиетті Қазақстан» жобалары бойынша  қазан айында Қызылорда, Ақтөбе, Батыс Қазақстан, Атырау, Маңғыстау  облыстарындағы Қазақстанның 100 киелі орындарына телеэкспедиция жасалды.